Марказий банк хабари

Ўзбeкистон Рeспубликаси Марказий банки Банк назорати қўмитасининг қарорига асосан "Kredit-axborot tahliliy markazi” кредит бюроси МЧЖ томонидан кўрсатиладиган молиявий хизматларни махсус ҳуқуқий режим доирасида синовдан ўтказиш бўйича вақтинчалик тартиб тасдиқланди.

Мазкур вақтинчалик тартибдан фойдаланишга қуйидаги шартларда рухсат этилган:

• синовнинг амал қилиш муддати: 2024 йил 12 июндан – 2026 йил 11 июнга қадар;
• синов ўтказиладиган ҳудуд: Ўзбекистон Республикаси;
• молиявий хизматлар кўрсатилиши мумкин бўлган обуначи мижозлар сони: 100 минг нафардан кўп бўлмаган жисмоний шахслар;
• бир календар ой давомида жисмоний шахсларнинг кредит ҳисоботларидан фойдаланиш: 100 минг нафардан кўп бўлмаган жисмоний шахсларнинг кредит ҳисоботлари;
• бир календар ой давомида кредит ҳисоботидан фойдаланишга қўйиладиган тақиқлар сони: 100 минг нафардан кўп бўлмаган жисмоний шахсларнинг кредит ҳисоботлари.