Марказий банкда Президент Администрацияси билан биргаликда тижорат банкларининг раис ўринбосарлари ҳамда мурожаатлар билан ишлашга масъул таркибий бўлинмалари раҳбарлари иштирокида семинар ўтказилди.
Семинарда Ўзбекистон Республикаси Президентига Виртуал ва Халқ қабулхоналари орқали банк тизимига оид келиб тушган мурожаатларни кўриб чиқишда тижорат банклари томонидан йўл қўйилаётган хато ва камчиликлар батафсил муҳокама қилиниб, уларни бартараф этиш бўйича аниқ вазифалар белгилаб олинди.
Шунингдек, семинарда Президент Администрацияси масъул ходимлари томонидан банк тизимида жисмоний ва юридик шахсларнинг мурожаатлари билан ишлашни янада яхшилаш бўйича тавсиялар ҳамда иштирокчиларни қизиқтирган барча саволларга батафсил тушунтиришлар берилди.
