Ўзбекистон Республикаси Марказий банки раиси Мамаризо Нурмуратов Андижон вилоятининг Шаҳрихон туманида тадбиркорлар билан очиқ мулоқот ўтказди.
Учрашув давомида тадбиркорларни қийнаётган муаммолар ўрганилиб, улар фаолиятини янада ривожлантириш учун банк тизими томонидан амалга оширилиши зарур бўлган чора-тадбирлар хусусида фикр алмашилди.
Бугунги коронавирус пандемияси муносабати билан тадбиркорлик субъектларига кредит тўловлари бўйича берилаётган имтиёзлар, электрон тўлов тизимлари ва бошқа банк хизматларидан унумли фойдаланиш юзасидан тавсиялар берилди.
Самарали мулоқот орқали тадбиркорларнинг мамлакатимиз банк тизимига доир барча саволлари тингланиб, уларни қийнаётган масалалар жойида ҳал қилинди.
