Олий ўқув юртлари талабалари диққатига!
Жорий йил 7 апрел куни соат 16:00 да Марказий банк томонидан тўлов ташкилотлари ва IT-парк билан биргаликда рақамли молиявий саводхонлик бўйича “Ўзингиз ва пулларингни асра” мавзусида вебинар ташкил этилмоқда.
Вебинарда рақамли молиявий саводхонлик, электрон пуллар, замонавий рақамли молиявий технологиялар, шунингдек, молиявий хавфсизлик асослари ва молиявий фирибгарлик каби мавзуларда батафсил маълумот берилади.
Тадбирда иштирок этиш учун қуйидаги ҳавола орқали олдиндан рўйхатдан ўтиш талаб этилади.
Вебинар ҳаволаси рўйхатдан ўтиш вақтида иштирокчи томонидан кўрсатилган электрон почта манзилига юборилади.
Рақамли молиявий саводхонлик бўйича муҳим ва фойдали маслаҳатлар олиш имкониятини қўлдан бой берманг!
