Марказий банкда "Умумжаҳон пул ҳафталиги" (Global Money Week) доирасида ёшлар ўртасида ўтказилган "Ўзингни ва пулларингни асра" видеороликлар танлови ғолибларини тақдирлаш маросими бўлиб ўтди.
Танловни ўтказишдан мақсад ёшларни рақамли молиявий хавфсизлик қоидаларини ўрганишга ва рақамли банк хизматларидан фойдаланишга рағбатлантиришдан иборат эди.
Тақдирлаш маросимида икки номинация бўйича танлов ғолибларига эсдалик совғалари ва қимматбаҳо мукофотлар тақдим этилди.
Молиявий саводхонлик бўйича ўтказилган танловлар юзасидан батафсил маълумотлар finlit.uz сайтида.
