Ўзбекистон Республикаси Марказий банкида Европа тикланиш ва тараққиёт банкининг (ЕТТБ) биринчи вице-президенти Юрген Ригтеринк бошчилигидаги делегация билан учрашув бўлиб ўтди.
Ю.Ригтеринк Ўзбекистонда амалга оширилаётган ислоҳотларни юқори баҳолаб, ЕТТБ иқтисодий ўзгаришлар жараёнларини молиявий, инвестициявий ва консультатив қўллаб-қувватлашда давом этишини билдирди.
Музокаралар якунида томонлар белгиланган йўналишлар бўйича икки томонлама ҳамкорликни янада ривожлантириш борасида кейинги қадамларни белгилаб олдилар.