Банк тизимидаги ислоҳотлар жараёнида ўзининг фидойилиги ва самарали меҳнати ҳамда жамоат ишларидаги фаол иштироки учун бир гуруҳ ходимлар “Ўзбекистон Республикаси мустақиллигининг 30 йиллиги” эсдалик нишони ва Марказий банкнинг Фахрий ёрлиғи билан мукофотландилар.
Тақдирлаш маросимида Марказий банк раиси Мамаризо Нурмуратов “Ўзбекистон Республикаси мустақиллигининг 30 йиллиги” эсдалик нишонини мамлакатимиз Президенти номидан тантанали равишда топширди.
Фидокорона меҳнат қилаётган ходимларнинг эл-юрт олдидаги хизматларини эътироф этиш ва муносиб тақдирлаш, шубҳасиз, соҳанинг бошқа вакилларини ҳам юксак марралар сари руҳлантиради, улар қалбида Ватанга муҳаббат ва садоқат туйғуларини кучайтиради.
