Марказий банк раҳбарияти ва “Ситибанк” вакиллари ўртасида учрашув бўлиб ўтди.
Унда икки банк ўртасидаги ўзаро муносабатларнинг жорий ҳолати муҳокама қилинди. Учрашувда қайд этилганидек, банклар халқаро молия бозорларидаги операциялар бўйича 25 йилдан ортиқ вақт давомида ҳамкорлик қилиб келишмоқда.
Томонлар ўзаро манфаатли ҳамкорликни янада чуқурлаштириш юзасидан қизиқиш билдириб, истиқболдаги режалар хусусида фикр алмашишди.
Маълумот учун: Жаҳондаги йирик халқаро банклардан бири бўлган “Ситибанк” 1812 йилда Нью-Йоркда (АҚШ) ташкил этилган. У 19 та мамлакатда фаолият юритиб, банк хизматлари, суғурта, сармоявий ва корпоратив молия соҳаларига ихтисослашган.
“Ситибанк” вакиллари Марказий банкда бўлдилар
Янгиланган сана:
30 Сен 2021, 18:14