“9 декабрь – Халқаро коррупцияга қарши курашиш куни”га бағишланган “Аксилкоррупция ҳафталиги” доирасида банк-молия соҳасидаги коррупцияга қарши курашишнинг долзарб масалаларига оид мавзусида давра суҳбати ўтказилди.
Унда Олий Мажлис Қонунчилик палатаси депутатлари, “Тараққиёт стратегияси” маркази экспертлари, Ўзбекистон Республикаси Марказий банки, Молия вазирлиги, Давлат солиқ қўмитаси, Бош прокуратура, Божхона қўмитаси, Давлат хизматлари агентлиги ҳамда Коррупцияга қарши курашиш агентлиги раҳбарлари иштирок этди.
Давра суҳбатида банк-молия тизимининг очиқлигини, жамоатчилик олдида ҳисобдорлигини таъминлаш ҳамда коррупцияга қарши курашишнинг ҳолати, бу борада амалга оширилаётган ишлар муҳокама қилинди.
Хусусан, банк тизимида коррупцияга қарши “комплаенс назорат”нинг жорий этилиши, норматив-ҳуқуқий ҳужжатлар ва лойиҳаларини коррупцияга қарши экспертиза қилиш хусусида ўзаро фикр алмашилди.