Пул-кредит сиёсатининг 2023 йил ва 2024-2025 йиллар даврига мўлжалланган асосий йўналишлари Ўзбекистон Республикаси Марказий банки Бошқарувининг 2022 йил 19 ноябрдаги 27/5-сонли қарори билан тасдиқланди.
Пул-кредит сиёсатининг асосий йўналишларида 2023 йил ва 2024-2025 йиллар даврида макроиқтисодий ривожланиш сценарийларидан келиб чиқиб пул-кредит соҳасида амалга ошириладиган тадбирлар, ташқи ва ички иқтисодий шароитлар ўзгаришларига Марказий банкнинг муносабати ва жавоб чоралари, пул-кредит сиёсатини юритишдаги ёндашувлар ва такомиллаштириш истиқболлари акс эттирилган.
Шунингдек, келгусида пул-кредит сиёсатини такомиллаштириш йўналишлари, хусусан, операцион механизмини ривожлантириш, пул-кредит сиёсати коммуникациясини такомиллаштириш, трансмиссион механизми самарадорлигини ошириш ва таҳлилий-прогнозлаштириш салоҳиятини ривожлантириш йўналишларига ҳам алоҳида тўхталиб ўтилган.
Ушбу ҳужатнинг тўлиқ матни билан қуйидаги ҳавола орқали танишишингиз мумкин.
Пул-кредит сиёсатининг 2023 йил ва 2024-2025 йиллар даврига мўлжалланган асосий йўналишлари Ўзбекистон Республикаси Марказий банки Бошқарувининг 2022 йил 19 ноябрдаги 27/5-сонли қарори билан тасдиқланди
Янгиланган сана:
23 Ноя 2022, 14:18