Joriy yilning 26 mart kuni Markaziy bank tomonidan O‘zbekiston respublika valyuta birjasida umumiy hajmi 250 mlrd. so‘mlik mablag‘lar taqdim etish bo‘yicha muddati 14 kunlik REPO auksion savdolari o‘tkazildi.
Auksion davomida 4 ta tijorat banki tomonidan davlat qimmatli qog‘ozlar ta’minoti asosida jami 240 mlrd. so‘mlik mablag‘larni jalb qilish bo‘yicha kelib tushgan buyurtmanomalar to‘liq qondirildi.
Auksion natijalariga ko‘ra, REPO bo‘yicha o‘rtacha tortilgan foiz stavkasi, shuningdek minimal va maksimal stavka – yillik 16,0 foizni tashkil etdi.
