Markaziy bank rahbariyati АQSh davlat departamentining Janubiy va Markaziy Osiyo boʼyicha byurosining kiberxavfsizlik boʼyicha katta maslahatchisi Barbara Paoletti va АQSh elchixonasi vakillari bilan uchrashdi.
Uchrashuvda Markaziy bankda kiberxavfsizlikni taʼminlash borasida amalga oshirilayotgan ishlar xaqida qisqacha maʼlumot berildi. Xususan, Markaziy bank huzurida tashkil etilgan Kiberxavfsizlik markazining (CERT-CBU) faoliyati va kiber tahdidlarga qarshi kurashish hamda bank kartalari bilan bogʼliq boʼlgan firibgarliklarning oldini olish toʼgʼrisida soʼz yuritildi.
Shuningdek, kiberxavfsizlik sohasida risklarni boshqarish va baholashda АQShning ilgʼor tajribasini oʼrganish hamda ushbu yoʼnalishlarda xodimlar malakasini oshirish imkoniyatlari muhokama qilindi.
Uchrashuv yakunida tomonlar muhokama etilgan masalalarda hamkorlikni davom ettirishga kelishdilar.
