Markaziy bankning barcha tarkibiy boʻlinmalari, hududiy bosh boshqarmalari hamda tasarrufidagi korxonalar rahbarlari ishtirokida Markaziy bank tizimida korrupsiyaning oldini olish borasidagi ishlar samaradorligini oshirishga bagʻishlangan kengaytirilgan yigʻilish boʻlib oʻtdi.
Tadbirda joriy yilning 5-mart kuni davlatimiz rahbari raisligida Korrupsiyaga qarshi kurashish boʻyicha milliy kengashning korrupsiyaning oldini olish boʻyicha ishlar natijadorligi va kelgusidagi ustuvor vazifalar yuzasidan oʻtkazilgan yigʻilishda davlat organlari va tashkilotlari tomonidan amalga oshirilishi zarur boʻlgan ustuvor vazifalarga batafsil toʻxtalib oʻtildi.
Shuningdek, Markaziy bank tizimida Korrupsiyaga qarshi kurashish boʻyicha olib borilayotgan ishlarga baho berilib, kelgusida bu borada amalga oshirilishi lozim boʻlgan vazifalar belgilab olindi.
