Аholining moliyaviy madaniyatini oshirish maqsadida Markaziy bank tomonidan “Uzreport” telekanalining “Fayzli tong” dasturida yangi “Moliyaviy savodxonlik” teleloyihasi ishga tushirildi.
“Moliyaviy savodxonlik” taʼlim loyihasi Ipak yoʼli bank, Turon bank, Oʼzsanoatqurilishbank, Xalk banki hamda “Humo” toʼlov tizimi hamkorligida haftasiga 3 marotaba – har dushanba, chorshanba va juma kunlari efirga uzatiladi.
Loyiha soha mutaxassislari bilan intervьyu shaklida teletomoshabinlar duch kelgan masalalar muhokamasi bilan jonli efir davomida oʼtkaziladi.
Loyiha quyidagi dolzarb mavzular yoʼnalishlari yoritiladi:
▪️raqamli moliyaviy savodxonlik va xavfsizlik;
▪️jamgʼarish madaniyatini oshirish va isteʼmolchilar huquqlarini himoya qilish;
▪️tadbirkorlar uchun moliyaviy savodxonlik.
Markaziy bank tomonidan moliyaviy savodxonlik boʼyicha yangi loyiha ishga tushirildi
Yangilangan sana:
10 Okt 2022, 18:30