Амир Темур
Мазкур олтин танга 1997 йилда Амир Темурга бағишлаб зарб этилган.
Танганинг олд томонида от минган Амир Темур ҳайкали тасвирланган. Тасвирнинг пастки қисмида танга қийматини кўрсатувчи "100" рақами, тагида эса валюта номи "SO'M" мавжуд. Ҳайкалнинг чап ва ўнг тарафида Амир Темурнинг ҳаёт йиллари "1336" ва "1405" рақамлари жойлаштирилган. Танганинг юқори қисмида "AMIR TEMUR" деган ёзув ярим айлана шаклида кўрсатилган. Танганинг ташқи айланаси бўйлаб мунчоқ шаклидаги нақш туширилган.
Танганинг орқа томони марказида Ўзбекистон Республикаси герби тасвирланган бўлиб, у мунчоқ кўринишидаги нақш ичига жойлаштирилган. Герб тасвирининг тагида танга чиқарилган йил - "·1997·" кўрсатилган, унинг чап томонида металл ва асиллик даражасини билдирувчи "Аu 999.9" ва ўнг томонида эса металлнинг оғирлигини билдирувчи "31.1 gr." ёзувлари мавжуд. Гербнинг юқори қисмида ярим айлана шаклида "O'ZBEKISTON RESPUBLIKASI" ёзуви мавжуд.
Танганинг ён томони нотекис. Диаметри – 38,0 мм. Оғирлиги – 31,1 гр.
- Метал тури: Золотые монеты
- Оғирлик: 31,1
- Қиймат: 100
- Асиллик даражаси: 999,9
- Сифати: PROOF
