Visa халқаро тўлов тизими вакиллари билан учрашув

Марказий банкда Visa халқаро тўлов тизими вице-президенти ва минтақавий менежери Кристина Дорош бошчилигидаги делегация аъзолари билан учрашув ўтказилди.

Учрашувда Visa компанияси билан ҳамкорлик доирасида амалга оширилаётган ишлар муҳокама қилинди. Жумладан, томонлар Ўзбекистонда тўлов тизимлари инфратузилмасининг ҳозирги ҳолати, мамлакатда киберхавфсизликни таъминлаш масалалари ва аҳолининг молиявий саводхонлигини ошириш хусусида фикр алмашдилар.

Мулоқот давомида шунингдек, халқаро тўлов компанияларининг Ўзбекистон бозорига кириб келишига тўсиқ бўлаётган қонунчилик асосларини халқаро ҳуқуқий меъёрлар билан уйғунлигини таъминлаш масалаларига ҳам тўхталиб ўтилди.