“Travelex” kompaniyasi bilan uchrashuv

Markaziy bank rahbariyati moliyaviy xizmatlar koʼrsatuvchi Travelex kompaniyasining bosh direktori Richard Vazach bilan uchrashdi. 

Uchrashuvda mamlakatdagi valyuta operatsiyalari, jumladan, halqaro pul oʼtkazmalari, ichki bozorda naqd xorijiy valyutaga talab va taklifning shakllanishi haqida atroflicha maʼlumot berildi.

Shu oʼrinda, kompaniya oʼzining mavjud moliyaviy mahsulotlari, xususan banknotalarni ulgurji sotish va logistika xizmatlari, mijozlarni lozim darajada tekshirish (KYC), jinoiy faoliyatdan olingan daromadlarni legallashtirishga qarshi kurashish (AML) xaqida taqdimot oʼtkazdi. 

Uchrashuv yakunida tomonlar muhokama qilingan masalalar boʼyicha hamkorlikka tayyor ekanliklarini bildirdilar.