2023 йил 7 июнь куни соат 9:00да Ўзбекистон Республикаси Марказий банкида Халқаро валюта жамғармаси бошқарувчи директори Кристалина Георгиева ва Марказий банк раиси Мамаризо Нурмуратов ёшлар билан учрашувда иштирок этишади. Тадбирда Ўзбекистон ва минтақа иқтисодиётининг истиқболлари ва мавжуд муаммолар юзасидан очиқ мулоқот ўтказилади.
Унда Марказий банк ёш ходимлари, стипендиатлар ва талабалар қатнашади. Ушбу тадбирга Ўзбекистон Республикаси Президенти маслаҳатчисининг биринчи ўринбосари Тимур Ишметов модератор сифатида таклиф этилган.
Тадбир Марказий банкнинг ва Халқаро валюта жамғармасининг ижтимоий тармоқларидаги саҳифалари орқали тўғридан-тўғри эфирга узатилади. Эфир ҳаволасини ижтимоий тармоқларимиздан олишингиз мумкин.
ХВЖ бошқарувчи директори Кристалина Георгиева Ўзбекистон Республикаси Марказий банкида ёшлар билан учрашади
Янгиланган сана:
6 Июн 2023, 13:57