Марказий банкда журналист ва блогерлар учун “Пул-кредит сиёсатининг 2025 йил ва 2026-2027 йиллар даврига мўлжалланган асосий йўналишлари” мавзусида медиа-мулоқот бўлиб ўтди.
Унда Марказий банк томонидан амалга оширилаётган пул-кредит сиёсати, унинг асосий мақсади ва истиқболдаги чора-тадбирлар тўғрисида батафсил маълумот берилди.
Мулоқот давомида масъул мутахассислар билан Марказий банкнинг ўрта муддатли макроиқтисодий прогнозлари ва пул-кредит сиёсати соҳасида амалга оширилиши режалаштирилган чоралар муҳокама қилинди.
Журналист ва блогерларнинг мавзу юзасидан таклифлари тингланиб, уларни қизиқтираётган саволларга батафсил жавоблар берилди. Бу орқали медиа-мулоқот иштирокчилари пул-кредит сиёсатининг амалий жиҳатларини чуқурроқ тушуниш имкониятига эга бўлишди.
Марказий банкда Пул-кредит сиёсатининг келгуси уч йилга мўлжалланган асосий йўналишлари юзасидан медиа-мулоқот ташкил этилди
Янгиланган сана: 26 Ноя 2024, 19:34
