Семинарда Марказий банк томонидан ишлаб чиқилган чора-тадбирлар режасига мувофиқ доимий равишда банк тизими ходимларининг ҳуқуқий онги ва маданиятини ошириш, шунингдек, жиноий фаолиятдан олинган даромадларни легаллаштиришга ва коррупция билан боғлиқ бошқа жиноятларни аниқлаш ва олдини олиш бўйича олиб борилаётган ишлар хусусида ахборот берилди.
Тадбир давомида иштирокчиларга соҳадаги янгиликлар ва қонун хужжатларига киритилган ўзгаришлар, шунингдек, одоб-ахлоқ қоидаларига риоя этиш, коррупция билан боғлиқ қонунбузарлик ҳолатларини ўз вақтида аниқлаш, уларнинг олдини олиш ва бартараф этиш, очиқлик ва ошкораликни таъминлаш бўйича тегишли таклиф ва тавсиялар берилди.