Бугун Марказий банкда хотин-қизлар ўзгача тарзда гуллар билан қарши олинди.
Нафосат ва гўзаллик айёми – 8 март – Халқаро хотин-қизлар байрами Марказий банкда кўтаринки руҳда нишонланди.
Байрам тантаналарида Ўзбекистонда хизмат кўрсатган артистлар Фарҳод Абдуллаев ва Маҳфуза Боботиллаева иштирок этиб, Марказий банк тизимида меҳнат қилаётган хотин-қизларни гўзаллик айёми билан самимий табриклади.
Хотин-қизларга байрам совғалари улашиларкан, самарали ва ҳалол меҳнатлари ҳамда она Ватанимиз гуллаб-яшнаши йўлидаги муносиб хизматлари алоҳида қайд этилди.
Санъат намояндалари ўзбек аёлларининг мукаррамлиги ва гўзаллиги, назокати, ҳаёси мадҳ қилинган асарлардан парчалар ижро этишди.