Марказий банкда консалтинг ва аудит соҳасида хизматлар кўрсатувчи Deloitte халқаро компанияси билан ҳамкорликда санкциявий комплаенс масалаларини муҳокама қилишга бағишланган семинар-тренинг ўтказилди. Унда Deloitte компанияси бошқарувчи директори Рустам Мухаметшин, шунингдек, Марказий банк ва тижорат банклари ходимлари иштирок этди.
Семинар-тренингда санкциялар тушунчаси ва унинг турлари, ҳуқуқий асослар ва амалга ошириш амалиёти, мавжуд халқаро санкциялар ҳақида маълумотлар, санкцияларнинг молия секторига таъсири, иккиламчи санкциялар каби долзарб йўналишлар бўйича тақдимотлар ўтказилди.
Тадбир якунида иштирокчилар ўзларини қизиқтирган барча саволларга жавоб олдилар.
Маълумот учун: Ўзбекистонда фаолият юритаетган Deloitte компанияси МДҲдаги Deloitte таркибига киради. Компания аудит, солиқ, консалтинг ва корпоратив молия соҳасида хизматларни тақдим этади. Deloitte офислари МДҲнинг 9 мамлакатида, шунингдек, Грузия ва Украинада фаолият юритади.
Санкциявий комплаенс – бу санкциялар чекловларини бузиш хавфини камайтириш учун зарур бўлган компаниянинг ички меъёрлари ва қоидалари тизимидир.
Санкциявий комплаенсга бағишланган семинар-тренинг
Янгиланган сана:
25 Ноя 2022, 17:05