Масофавий хизмат кўрсатиш тизимлари орқали ишлаётган мижозлар Марказий банкнинг Тезкор тўловлар тизими орқали товар ва хизматларга, шунингдек, бюджет тизимига тўланадиган тўловларни туну кун ўтказиш имкониятидан кенг фойдаланмоқдалар.
Статистикага эътибор қаратсак, 2022 йилда Тезкор тўловлар тизими орқали амалга оширилган транзакциялар ҳажми 2021 йилга нисбатан 1,4 баробарга, ўз навбатида, 2020 йилга нисбатан эса 3,5 баробарга ортган ҳолда 446,4 трлн. сўмни ташкил этди.
Тезкор тўловлар тизими орқали амалга оширилаётган тўловлар кўламининг ортиб бориши натижасида бугунги кунга келиб хўжалик субъектларининг банкка берилган жами топшириқларида масофавий банк тўловлари улуши 92 фоизга етди. Бу эса, 24/7 режимида ишлайдиган тизимга бўлган қизиқиш ортиб бораётганлигини кўрсатмоқда.
