Марказий банкда Жаҳон банкининг молиявий секторни ислоҳ қилиш лойиҳасини амалга ошириш миссияси ҳамда банк назорати ва тартибга солиш бўйича техник кўмак миссияси доирасида экспертлар билан учрашув ўтказилди.
Мулоқот давомида миссия доирасида олиб борилаётган лойиҳаларни ривожлантиришдаги кейинги қадамлар ва уларнинг самарадорлиги муҳокама қилинди. Хусусан, синов тариқасида рискга асосланган назорат лойиҳаси якунлари, тижорат банкларини санация қилиш тўғрисида қонун ва тегишли норматив-ҳуқуқий ҳужжатларни ишлаб чиқиш жараёнлари ҳақида сўз юритилди.
Учрашув якунида томонлар истиқболда мазкур масалалар бўйича муҳокамаларни давом эттиришга келишиб олдилар.
Жаҳон банки экспертлари билан амалдаги техник миссиялари доирасида учрашув бўлиб ўтди
Янгиланган сана:
27 Сен 2023, 18:03
