Марказий банкда Citi Bank вакиллари билан учрашув ўтказилди.
Учрашувда мамлакатдаги макроиқтисодий ҳолат ва банк тизимидаги ўзгаришлар муҳокама қилинди.
Citi Bank билан молия тизимини ривожлантириш соҳасидаги ҳамкорликда амалга оширилаётган лойиҳалар ҳамда келгусидаги режалар ҳақида атрофлича фикр алмашилди.
Музокаралар чоғида халқаро захираларини самарали бошқариш бўйича ҳамкорлик масалаларига тўхталиб ўтилди.
Шунингдек, учрашувда Ўзбекистон билан ҳамкорлик алоқаларини янада кенгайтириш, хусусан, мамлакатда Citi Bank ваколатхонасини очиш юзасидан фикр алмашилди.
