Жорий йилнинг 31 октябрь куни "Бутунжаҳон жамғариш куни" халқаро кампанияси доирасида республикамиз талабалари ўртасида “Молиявий саводхонлик чемпионати”нинг финал босқичи бўлиб ўтди.
Чемпионатнинг финал босқичи 3 турда ўтказилди. Иштирокчилар рақамли молиявий саводхонлик ва масъулиятли қарз олиш мавзуларига оид кейслар, ребусларни ечиш ҳамда уй вазифасини тақдимот қилиш шартлари бўйича беллашдилар. Тақдимот давомида финал босқичи иштирокчилари "Банк омонати бўйича менинг такрорланмас таклифим" мавзусида ўз ғояларини таклиф қилишди.
Финал босқичи иштирокчилари Марказий банк раҳбар ходимлари ва тижорат банклари вакилларидан иборат бўлган экспертлар ҳайъати томонидан баҳоланди.
Чемпионатнинг финал босқичи натижаларига кўра, ўринлар қуйидагича тақсимланди:
1-ўрин: Яковлев Руслан
2-ўрин: Хасанбоева Маликахон
3-ўрин: Хамраев Маъмур
4-ўрин: Махмудов Фаррух
5-ўрин: Хамраева Ҳилола