Россия пойтахтида ҳар йили ўтказиладиган “Йил лойиҳаси” танлови IT-директорлар ва топ-менежерлар учун асосий мулоқот майдонига айланди. Жорий йилги танловда иштирок этиш учун Россия ва МДҲ давлатларидан 434 та лойиҳа тақдим этилди.
Танлов иштирокчиларининг лойиҳалари Global CIO профессионал ҳамжамияти аъзолари томонидан тўғридан-тўғри онлайн овоз бериш йўли билан 5 та номинация бўйича баҳоланди.
Овоз бериш натижаларига кўра, Ўзбекистон Республикаси Марказий банки томонидан тақдим этилган “ИС Биометрик идентификация (MyID)” лойиҳаси “Энг яхши биометрик идентификация лойиҳаси” номинациясида ғолиб бўлди.
