Пойтахтимизда фаолият юритаётган тижорат банклари филиаллари раҳбар ходимлари ва мутахассислари учун Ўзбекистон Конституциясига киритилаётган ўзгартиришлар мазмун-моҳиятига бағишланган тарғибот тадбири бўлиб ўтди.
Унда Конституциянинг янги таҳрирдаги лойиҳасида инсон қадри, унинг манфаатлари ва умуман халқ учун кенг кўламдаги ўзгаришлар ўз аксини топаётгани таъкидланди.
Тадбирда Конституцияга киритилаётган асосий ўзгаришлар, шу жумладан, фуқаро дахлсизлиги ва эркинликлари, унинг ҳуқуқ ва мажбуриятлари, оила ва ёшлар масалалари бўйича янги нормаларнинг муҳим жиҳатларига тўхталиб ўтилди.
Шу билан бирга, Конституциянинг банк тизими фаолиятига оид 41-, 150- ва 151-моддалари юзасидан ҳам тушунтириш берилди. Тадбир иштирокчилари ўзларини қизиқтирган саволларга аниқ жавоблар олдилар.
Конституцияга киритилаётган ўзгаришлар мазмун-моҳияти юзасидан тадбир ташкил этилди
Янгиланган сана:
27 Мар 2023, 09:31
