Ўзбекистон Республикаси Молия вазирлиги ва Марказий банк 2019 йил 19 июнь куни “Ўзбекистон республика валюта биржаси” акциядорлик жамияти (ЎзРВБ)нинг савдо тизимида давлат қимматли қоғозлар (ДҚҚ)ни қуйидаги шартлар асосида бирламчи жойлаштирилишини эълон қилади.
Жойлаштириш усули: ЎзРВБ савдо тизимида аукцион орқали очиқ сотув.
Эмитент – Ўзбекистон Республикаси Молия вазирлиги.
Аукционда жойлаштириладиган ДҚҚ реквизитлари:
- ДҚҚ тури: ўрта муддатли облигациялар;
- идентификацион рақам: 26002UMFS;
- бир дона облигациянинг номинал қиймати: 1 000 000 (бир миллион) сўм;
- жойлаштириш санаси: 2019 йил 19 июнь;
- чиқарилиш ҳажми: 100 000 000 000 (бир юз миллиард) сўм;
- муомала даври: 728 кун;
- облигацияларнинг сўндириш санаси: 2021 йил 16 июнь;
- қатъий белгиланган фоизли даромад ставкаси: йиллик 15%;
- фоизли даромад тўланиш даври: 3 ой.
Фоизли даромад тўланиш саналари:
- биринчи давр: 2019 йил 18 сентябрь;
- иккинчи давр: 2019 йил 18 декабрь;
- учинчи давр: 2020 йил 18 март;
- тўртинчи давр: 2020 йил 17 июнь;
- бешинчи давр: 2020 йил 16 сентябрь;
- олтинчи давр: 2020 йил 16 декабрь;
- еттинчи давр: 2021 йил 17 март;
- саккизинчи давр: 2021 йил 16 июнь;
Аукцион ўтказиш шартлари:
- аризаларни қабул қилиш вақти: 09:00 – 11:30;
- аризаларни қондириш вақти: 15:00 – 16:00;
- тўлов валютаси: сўм;
- аукцион савдоларида рақобатсиз буюртманомалар қабул қилинмайди;
- битимлар қийматини яхлитлаш: математик яхлитлаш усули билан вергулдан кейин иккита белгигача.
