Халқаро валюта жамғармаси делегацияси билан учрашув

Марказий банкда Халқаро валюта жамғармасининг яқинда тайинланган Ўзбекистон бўйича Миссияси раҳбари Яссир Абдих билан учрашув бўлиб ўтди.

Учрашувда мамлакатдаги жорий макроиқтисодий ҳолат, амалга оширилаётган пул-кредит сиёсати, давлат корхоналари ва банкларни трансформация қилиш ҳамда хусусийлаштириш жараёнлари, шунингдек, инфляцион кутилмаларни камайтириш юзасидан чора-тадбирлар муҳокама қилинди.

Учрашув якунида томонлар макроиқтисодий моделлаштириш, пул-кредит сиёсати инструментларини такомиллаштириш ва валюта назорати соҳаларида ҳамкорлик қилишга келишиб олдилар.