“ICBC Standard Bank” вакиллари билан учрашув

Марказий банкда “ICBC Standard Bank”нинг минтақавий раҳбарлари ва банкнинг халқаро инвесторларидан иборат делегацияси билан учрашув ўтказилди.

Учрашувда мамлакатимиздаги жорий макроиқтисодий ҳолат, хусусан, пул-кредит сиёсатига доир амалга оширилаётган ишлар ҳақида батафсил маълумот берилди. 

Шу билан бирга, учрашув давомида монетар операциялар, алмашинув курси ва девальвация масалалари, халқаро захиралар ва ундаги ўзгаришлар ҳақида сўз борди.

Маълумот учун: ICBC Standard Bank – бош офиси Лондонда жойлашган Хитойнинг ICBC ва Африканинг Standard Bank Group компаниялари томонидан ташкил этилган қўшма корхона мақомидаги банк бўлиб, фаолият йўналиши қимматбаҳо металлар савдоси билан шуғулланиш ва ривожланаётган бозорларга киришга қаратилган.