Туркманистоннинг Ўзбекистондаги элчиси билан учрашув

Марказий банкда Туркманистоннинг Ўзбекистондаги Фавқулодда ва мухтор элчиси Шадурди Мередов билан учрашув бўлиб ўтди.

Учрашувда икки мамлакат банклараро ҳамкорлиги ҳамда марказий банклари ўртасидаги алоқаларни мустаҳкамлаш масалалари муҳокама қилинди.

Ўз навбатида, Шадурди Мередов Ўзбекистон банкларида рақамли технологиялар ривожланганини алоҳида эътироф этди. Мулоқот якунида томонлар икки давлат ўртасида банклараро ҳамкорликни кенгайтиришга тайёрлигини билдирдилар.