Марказий банк раҳбарияти АҚШ давлат департаментининг Жанубий ва Марказий Осиё бўйича бюросининг киберхавфсизлик бўйича катта маслаҳатчиси Барбара Паолетти ва АҚШ элчихонаси вакиллари билан учрашди.
Учрашувда Марказий банкда киберхавфсизликни таъминлаш борасида амалга оширилаётган ишлар хақида қисқача маълумот берилди. Хусусан, Марказий банк ҳузурида ташкил этилган Киберхавфсизлик марказининг (CERT-CBU) фаолияти ва кибер таҳдидларга қарши курашиш ҳамда банк карталари билан боғлиқ бўлган фирибгарликларнинг олдини олиш тўғрисида сўз юритилди.
Шунингдек, киберхавфсизлик соҳасида рискларни бошқариш ва баҳолашда АҚШнинг илғор тажрибасини ўрганиш ҳамда ушбу йўналишларда ходимлар малакасини ошириш имкониятлари муҳокама қилинди.
Учрашув якунида томонлар муҳокама этилган масалаларда ҳамкорликни давом эттиришга келишдилар.
АҚШ делегацияси вакиллари билан учрашув
Янгиланган сана: 31 Май 2024, 15:08
