Ушбу амалий тренинг ҳудудларда фаолият юритаётган салоҳиятли ходимларнинг молиявий билимларини оширишга ҳамда улар орқали чекка туман (шаҳар)ларда аҳоли ва тадбиркорлик субъектларининг молиявий саводхонлигини ва банк хизматларидан фойдаланиш имкониятини янада кенгайтириш ишларини тизимли равишда давом эттиришга хизмат қилади.
Семинар давомида қуйидаги долзарб мавзулар қамраб олинди:
- аҳолини бизнесга жалб қилиш ва тадбиркорлик фаолиятини бошлашнинг муҳим жиҳатлари;
- тадбиркорлар учун факторинг хизматларининг жозибадорлиги;
- микромолия ташкилотлари томонидан исломий молиялаштиришга оид хизматларни кўрсатиш тартиби;
- молиявий хавфсизлик, банк карталари билан боғлиқ фирибгарликларнинг олдини олиш бўйича амалга оширилаётган ишлар;
- устувор мақсадли гуруҳлар учун ўқув тадбирлари ташкил этишнинг янги шакллари ҳамда долзарб йўналишлари.
