"Депозитларни кафолатлаш тизими: таркибий ўзгаришлар, трансформациялар ва янги муаммолар даврида" мавзусига бағишланган тадбирда Марказий Осиё мамлакатлари, Арманистон, Россия ҳамда Беларусь давлатларининг омонатларни кафолатлаш фондлари раҳбарлари ва мутахассислари қатнашди.
Конференциянинг панель сессияларида омонатларни ҳимоя қилишнинг самарали тизимини жорий этиш, омонатларни кафолатлаш фондларининг активларини самарали инвестицион бошқариш ҳамда бозор иштирокчилари ўртасидаги ўзаро ҳамкорлик тамойиллари каби масалалар муҳокама қилинди.
