Марказий банк томонидан "Анорбанк" АЖ билан ҳамкорликда Алишер Навоий номидаги Миллий кутубхонада молиявий саводхонлик лойиҳаси амалга оширилмоқда. Мазкур лойиҳа ёшлар учун доимий семинар ва тренинглар билан бир қаторда кутубхонада ўзига хос макон — "Молиявий саводхонлик бурчаги"ни ўз ичига олади.
Кутубхона ўқувчилари учун молиявий мавзулардаги турли хил адабиётлар: шахсий бюджет асосларидан тортиб, активларни бошқариш ва инвестициялашнинг мураккаброқ жиҳатларигача, шунингдек, Finlit.uz лойиҳасининг қўлланмалари ва интерактив трекерлари билан танишиш учун шароит яратилган.
