Жорий йилнинг 13 апрелида Марказий банк раисининг ўринбосари А.Турдалиев бошчилигидаги делегация аъзолари Халқаро валюта жамғармаси ва Жаҳон банки гуруҳининг виртуаль баҳорги йиғилишлари доирасида ташкил этилган G-24 гуруҳи ва Молиявий оммабоплик альянси вакилларининг 13-йиллик давра суҳбатида иштирок этди.
Мазкур тадбирда МОА ва унга аъзо мамлакатлар марказий банкларининг раҳбар ходимлари, G-24 гуруҳи Котибияти ва халқаро экспертлар қатнашди.
Анжуман давомида Ковид-19дан кейинги тикланиш даврида инклюзив яшил молиялаштиришнинг аҳамияти ва ўрни ҳамда глобал конвергенция (яқинлаштириш) йўллари, шунингдек, регуляторларнинг иқлим ўзгаришларини аҳолининг ижтимоий-иқтисодий аҳволига таъсирини юмшатишни кучайтиришга йўналтирилган сиёсати бўйича фикр алмашдилар.
Шу билан бирга, хотин-қизларнинг имкониятларини кенгайтириш ва рақамли маҳсулотлардан фойдаланишига қаратилган лойиҳаларни молиялаштиришга доир тадбирлар ҳам муҳокама этилди.
