"Газпромбанк" вакиллари Марказий банкка ташриф буюрди

Марказий банкда “Газпромбанк” ОАЖ (Россия Федерацияси) вакиллари билан учрашув бўлиб ўтди.

Учрашувда “Газпромбанк” ОАЖ вакилларига мамлакатимиздаги жорий макроиқтисодий ҳолат, пул-кредит сиёсати, ташқи сектор статистикаси кўрсаткичлари ва банк тизимида амалга оширилаётган ишлар хусусида батафсил маълумот берилди. 

Шу билан бирга, томонлар келгусида ўзаро манфаатли ҳамкорлик истиқболларини муҳокама қилдилар.  

Маълумот учун: “Газпромбанк” ОАЖ – Россиянинг энг йирик универсал молиявий институтларидан биридир. Банк барча асосий кўрсаткичлар бўйича Россиядаги энг йирик учта банклар қаторига кириб, Марказий ва Шарқий Европа ҳудудида жойлашган банклар ичида хусусий капитали ҳажми жиҳатидан учинчи ўринда туради.