Ўзбекистон Республикаси Марказий банкида Жаҳон банкининг банкларни санация қилиш механизмини жорий этиш ва омонатларни кафолатлаш тизимини такомиллаштириш бўйича техник миссияси доирасида экспертлар билан учрашув ўтказилди.
Учрашув давомида экспертлар томонидан тижорат банкларидаги омонатларни кафолатлаш ва тўловларни амалга оширишнинг амалдаги механизмини диагностика қилиш натижалари тақдим этилди. Диагностика натижалари асосида, шунингдек, илғор тажриба ва халқаро стандартларни ҳисобга олган ҳолда мазкур механизмни такомиллаштириш бўйича қатор тавсиялар берилди.
Ушбу тавсиялар асосида томонлар банклардаги омонатларни кафолатлаш тўғрисида қонун лойиҳаси устида ишлашни давом эттиришга келишиб олдилар.
Жаҳон банки делегацияси билан учрашув
Янгиланган сана:
12 Янв 2023, 14:56
