Маъмурий ишлар бўйича департамент

Контакт маълумотлари

Телефон: 71-212-61-60

Вазифа ва функциялар

Департаментнинг асосий вазифалари:

• Марказий банк маъмурий биноларининг яхши ҳолатда ишлаши ва сақланишини таъминлаш;

• Марказий банкнинг марказий аппарати, бош бошқармаларнинг товар-моддий бойликларга бўлган талабини қондириш;

• Марказий банкда ўтказиладиган турли хил анжуманларда иштирок этадиган халқаро молия ташкилотлари делегацияларини кутиб олиш, меҳмонхоналарга жойлаштириш, расмий қабул маросимлар, маданий дастурлар ва бошқа тадбирларни ташкил этиш ҳамда уларга транспорт хизмати кўрсатиш ишларини ташкил этиш;

• Марказий банк ва ҳудудий бош бошқармаларнинг (Марказий банк тизимининг) маъмурий биноларида олиб борилиши режалаштирилган капитал қурилиш, реконструкция, капитал таъмирлаш ва жорий таъмирлаш ишлари бўйича вазирлик ва давлат идоралар билан ёзишмалар олиб бориш, лойиҳа институтлари билан ишлаш ва ҳужжатларини тайёрлашга кўмаклашиш;

• Марказий банк тизимида мавжуд бўлган барча иш жойларида меҳнат шароитларининг меҳнат муҳофазаси, хавфсизлик техникаси, электр ва ёнғин хавфсизлиги стандартлари, қоида ва меъёр талаблари асосида ташкил қилиниши устидан назорат олиб бориш (ўрнатилган тартибда текширувлар ташкил этиш) ҳамда уларга ушбу соҳада амалий ёрдам бериш;

• Музейда сақланиб келинаётган мамлакатимиз молия-пул тизими тарихи ва мустақиллигимиз одимларини акс эттирувчи ноёб, нодир экспонатлар, музей ашёлари, коллекцияларини авайлаб асраш, ўрганиш, бойитиб бориш ҳамда улардан банк тизими ходимларининг онгида миллий ғурур ва ифтихор, истиқлол ҳамда ватанга садоқат туйғуларини кучайтириш йўлида кенг фойдаланиш;

• Кутубхона фаолиятини кенгайтириш, тегишли китоблар, илмий ишлар ва техникалар билан бойитиш ҳамда банк ходимларига мамлакатимиз ва дунёда бўлаётган янгиликларни етказиб туришни самарали ташкил этиш.

 Департаментнинг асосий функциялари:

•   Бинолар ва омборлардаги товар-моддий бойликларнинг бут сақланишини таъминлаш;

• Омборхоналарда банк эҳтиёжи учун доимий, зарур бўлган товар-моддий бойликлар захиралари миқдорининг ҳисобини юритиш;

• Товарларнинг кирим ва чиқим ҳужжатларини белгиланган тартибда расмийлаштириш ва омборхоналарнинг озодалигини назорат қилиш;

• Марказий банкнинг хизмат сафарига юборилаётган ходимларини йўл чипталари билан таъминлаш, бош бошқармалардан хизмат сафарига жўнатилган ходимларни меҳмонхоналарга жойлаштириш;

• Марказий банкка хорижий давлатлардан ташриф буюрувчи экспертларни юқори даражада кутиб олиш, шунингдек, Марказий банк томонидан ўтказиладиган семинар/мажлислар ва бошқа тадбирларнинг қатнашчиларини кутиб олиш, меҳмонхоналарга жойлаштириш, кофе – брейк, маданий дастурлар ва бошқа тадбирларни ташкил этиш;

• Марказий банк ҳудудий бош бошқармаларини капитал қурилиш, реконструкция, капитал таъмирлаш ва жорий таъмирлаш ишлари бўйича меъёрий ҳужжатлар асосида ишларни ташкил этишни назоратга олиш;

• Марказий банк тизимидаги касб ва лавозимлар бўйича меҳнат мухофазаси, хавфсизлик техникаси, ёнғин хавфсизлиги юзасидан кўрсатма, йўриқнома ва тавсияномалар ишлаб чикиш;

• Музейга ташриф буюрувчиларга (бир кишига ҳамда гуруҳларга) хизмат кўрсатиш усулларини қўллаган ҳолда хизмат кўрсатишни ташкил этиш, уларга музейдаги тарихий ва ноёб экспонатлар ҳақида батафсил маьлумот бериш;

• Кутубхона йўриқномасига асосан кутубхонанинг моддий-техника базасини мустаҳкамлаш ва бунда жаҳон ва миллий кутубхонашунослиги тажрибаларини кенг қўллаш.