Лондонда ICBC Standard инвестиция банки билан музокаралар ўтказилди

Ўзбекистон Республикаси Марказий банки делегацияси Лондон шаҳрида ICBC Standard инвестиция банки билан Ўзбекистон молия бозорида зарурий инфратузулмани жорий қилиш ва норматив-ҳуқуқий базани халқаро стандартлар асосида такомиллаштириш борасида амалга оширилаётган чора-тадбирлар юзасидан муҳокама ўтказди.

ICBC Standard инвестиция банки экспертлари томонидан йирик хорижий институционал инвесторларни маҳаллий молия бозорларига жалб қилиш имкониятларини оширишда халқаро депозитарийлар билан алоқаларни ўрнатиш, маҳаллий ва халқаро ҳисоб-китоб тизимларини боғлаш ва шарномавий-ҳуқуқий муҳитни яратиш лозимлиги ҳақида фикрлар билдирилди.

Шунингдек, ICBC Standard инвестиция банки томонидан яқин кунларда Ўзбекистон молия бозорларида миллий валюта – сўмда ҳисоб-китоблар ва давлат қимматли қоғозлари билан операцияларни амалга оширишни бошлашнинг техник томонлари ҳам келишиб олинди.