Mastercard Europe SA делегацияси билан учрашув

Ўзбекистон Республикаси Марказий банкида Mastercard компаниясининг давлат органлари билан муносабатларни ривожлантириш бўйича вице-президенти Сулаймон Созери бошчилигидаги делегация билан учрашув ўтказилди.

Учрашувда томонлар жорий йилда Mastercard Europe SA билан имзоланган ўзаро англашув Меморандумига асосан ҳамкорликнинг устувор йўналишлари бўйича амалга ошириладиган чора-тадбирлар режасини муҳокама қилдилар.

Хусусан, мамлакатда кичик ва ўрта бизнес субъектларини рақамлаштириш, кенг омма учун онлайн таълим платформасини ишга тушириш, шунингдек, банк мутахассислари учун киберхавфсизликни таъминлаш бўйича ташкил этиладиган семинарлар муддати келишиб олинди.