Гаров реестри: фойдаланувчилар томонидан киритилган ёзувлар ва уларнинг мулк турлари кесимидаги таҳлили

Марказий банк ҳузуридаги “Гаров реестри” ДУК ўз фаолиятида молиявий хизматлар (кредитлаш ва бошқалар) бозорининг янада ривожланишига, кредитларнинг оммабоплигини ошириш, тадбиркорлик субъектлари ва аҳолининг кредит ташкилотлари томонидан молиялаштирилишини соддалаштириш, кредиторлар талабларини гаровдаги мол-мулк ҳисобидан қондиришга хизмат қилиб келади.

2023 йил 1 январь ҳолатига кўра, гаров реестрига фойдаланувчилар томонидан киритилган ёзувлар сони 1 878,1 мингтани, шундан гаров реестридан ўчирилган ёзувлар сони 682,4 мингтани ташкил этди. Натижада гаров реестридаги мавжуд фаол ёзувлар сони 1 195,8 мингтага етди.


Шу билан бирга, гаров реестридаги мавжуд фаол ёзувлар мулк турлари кесимида олинганда, 623 064 таси – транспорт воситалари, 496 271 таси кўчмас мулклар, 44 800 таси депозитлар, 16 450 таси асбоб-ускуналар, 7 328 таси айланмадаги пул маблағлари ва товарлар, 4 797 таси товар-моддий қимматликлар, 1 785 таси мулкий ҳуқуқлар, 837 таси лизинг, 487 таси бошқа мулклар ҳиссасига тўғри келади.