“Masterсard” халқаро тўлов тизими ва Марказий банк ўртасида қўшма меморандум асосида олиб борилаётган тадқиқот доирасида навбатдаги учрашув бўлиб ўтди. Унда “Masterсard” компаниясининг Ўзбекистон Республикасидаги офиси раҳбари Денис Филипов таништирилди.
Учрашувда компаниянинг мамлакатимиздаги ривожланиш истиқболлари ҳамда олиб борилаётган қўшма тадқиқот лойиҳасининг дастлабки натижалари муҳокама қилинди.
Мазкур тадқиқотнинг биринчи босқичида мамлакатда нақдсиз тўловлар улушини оширишга тўсқинлик қилаётган омилларни бартараф этиш борасида “Йўл харита” лойиҳаси ишлаб чиқилди. Учрашувда томонлар ушбу ҳужжат ижроси билан боғлиқ ташкилий масалаларни ҳам келишиб олдилар.
“Mastercard” вакиллари билан учрашув
Янгиланган сана: 25 Апр 2023, 11:32
