Марказий банк томонидан 15 та олий таълим муассасасидан таклиф этилган 150 нафар профессор-ўқитувчи иштирокида пул-кредит сиёсатига бағишланган семинар ташкил этилди.
Тадбирда Ўзбекистонда пул-кредит сиёсатининг ривожланиш босқичлари, 5 фоизлик инфляция таргети, асосий ставка ҳамда қарор қабул қилиш механизми юзасидан батафсил маълумот тақдим этилди.
Семинар давомида ҳамда якунида иштирокчилар билан савол-жавоб (Q&A) сессияси ўтказилди ва уларни қизиқтирган саволлар бўйича тегишли жавоблар берилди.
Шунингдек, Марказий банкнинг бугунги кундаги инструментлар тўплами, хусусан, асосий ставка, мажбурий захира талаблари, Марказий банк облигациялари ва уларнинг ишлаш механизмлари тушунтирилди. Бундан ташқари, инфляцион таргетлаш режимида кенг қўлланиладиган инструмент — пул-кредит сиёсати коммуникациясининг аҳамияти атрофлича муҳокама қилинди.
Семинардан тақдимотлар:
Пул-кредит сиёсати
Пул-кредит сиёсати операцион механизми
