Пайшанба — энди ёшлар билан мулоқот куни

Бугун янги форматдаги учрашувларга старт берилди. Марказий банк раисининг биринчи ўринбосари Нодирбек Сайдуллаев иштирокида ўтган таништирув учрашуви очиқ ва мазмунли руҳда ташкил этилди.

Тадбир доирасида жамоалар томонидан молиявий технологиялар йўналишидаги устувор вазифалар, финтех соҳасидаги стратегик қарашлар ҳамда келгуси режалар тақдим этилди. Шунингдек, ёшлар учун мавжуд имкониятлар ҳақида батафсил маълумот берилди.

Янги форматдаги ушбу учрашувлар профессионал ўсиш, ғоялар алмашинуви ва ташаббусларни қўллаб-қувватлаш майдонига айланиши кутилмоқда.