Молиявий хизматлар истеъмолчиларининг ҳуқуқларини ҳимоя қилиш хизмати

Алоқа маълумотлари

Телефон: 71-212-60-29

Вазифа ва функциялар

Хизматнинг вазифаси:

• банк хизматлари истеъмолчиларининг ҳуқуқ ва қонуний манфаатларини ҳимоялаш, аҳоли ва тадбиркорлик субъектларига молиявий очиқликни ва уларнинг саводхонлик даражасини ошириш.

Хизматнинг функциялари:

• Назорат ва қонун устуворлиги: Истеъмолчилар ҳуқуқларини ҳимоя қилиш соҳасида давлат сиёсатининг ижросини таъминлайди ва қонун ҳужжатларига риоя этилишини назорат қилади.
• Маълумотлар шаффофлиги: Молиявий ташкилотлар томонидан истеъмолчиларга тўлиқ ва ҳаққоний маълумотлар тақдим этилишини, шу жумладан ахборот технологиялари орқали ошкор этилишини таъминлайди.
• Тизимли муаммоларни бартараф этиш: Истеъмолчилар ҳуқуқларининг бузилишига олиб келувчи тизимли камчиликларни аниқлайди ва уларни тузатиш бўйича таклифлар ишлаб чиқади.
• Ҳужжатлар ва каналлар таҳлили: Молиявий ташкилотларнинг шартномалари (оферта), тарифлари, расмий веб-сайтлари ва алоқа каналлари талабларга жавоб беришини масофадан туриб текширади ва мониторинг қилади.
• Ҳисобот ва таҳлил: Молиявий ташкилотларнинг риск профилларини шакллантиради ҳамда истеъмолчилар ҳуқуқлари бўйича амалга оширилган ишлар юзасидан таҳлилий ҳисоботлар тайёрлайди.
• Қонунчиликни такомиллаштириш: Соҳага оид қонун лойиҳаларини тайёрлашда иштирок этади ва халқаро тажрибани ўрганган ҳолда амалдаги қонунчиликни яхшилаш чораларини кўради.
• Мувофиқлаштириш: Марказий банкнинг ҳудудий бошқармалари фаолиятини мувофиқлаштиради ва давлатнинг юқори органлари қарорлари лойиҳаларини кўриб чиқиб, ўз таклифларини беради.