Марказий банк "CERT-CBU" киберхавфсизлик маркази

Алоқа маълумотлари

71 212-60-88

Вазифа ва функциялар

Марказнинг вазифалари:

• тўлов тизими операторлари, кредит ва тўлов ташкилотлари фаолиятида ахборот хавфсизлиги ва киберхавфсизликни таъминлаш, шунингдек, уларнинг ахборот тизимлари ва ресурсларида ҳамда муҳим ахборот инфратузилмаси объектларида киберхавфсизликни таъминлаш;
• ахборот хавфсизлиги ва киберхавфсизлик рискларининг юзага келиш омилларини текшириш, хатарларини олдини олиш тизимларини татбиқ этиш ва қўллаш чораларини кўриш;
• банк ва тўлов тизимларида рақамли технологиялар воситасида содир этиладиган ҳуқуқбузарликларни мониторинг ва таҳлил қилиш ва ҳудудларда рақамли технологиялар воситасида содир этиладиган ҳуқуқбузарликларга қарши курашиш.

Марказнинг функциялари:

• тўлов тизими операторлари, кредит ва тўлов ташкилотлари фаолиятида киберхавфсизлик ҳодисалари ҳамда таҳдидлари бўйича тезкор маълумотлар алмашинувини ташкил этиш;
• киберхавфсизлик ҳодисаларининг сабабларини аниқлаш ва бундай ҳодисаларнинг такрорланишини олдини олиш учун маълумотларни таҳлил қилиш ва тиклаш;
• муҳим ахборот инфратузилмаси объектларининг киберхавфсизлиги ҳамда ҳудудлардаги тижорат банклари филиалларида рақамли технологиялар воситасида содир этилган ҳуқуқбузарликларни олдини олиш бўйича масъул ходимларни ўқитиш, қайта тайёрлаш ва уларнинг малакасини ошириш бўйича чора-тадбирларни амалга ошириш;
• ахборот тизимлари ва ресурсларида юзага келиши мумкин бўлган киберхавфсизлик рискларини аниқлаш, уларни таҳлил қилиш, баҳолаш ва уларни камайтириш чораларини кўриш, хатарларни олдини олиш тизимларини татбиқ этиш чораларини кўриш;
• тўлов тизими операторлари, кредит ва тўлов ташкилотларининг ахборот тизимлари ва ресурсларида киберхавфсизликнинг таъминланганлик ҳолатини масофадан туриб ўрганиш ва аниқланган заифликлар бўйича уларга тавсия ва кўрсатмалар бериш;
• банк ва тўлов тизимларида аниқланган фрод амалиётлари тўғрисидаги маълумотларни йиғиш ва таҳлил қилиш, Марказий банк билан тўлов тизими операторлари, кредит ва тўлов ташкилотлари ўртасида ўзаро маълумот алмашинувини таъминлаш;
• банк ва тўлов тизимларида банк карталари билан боғлиқ шубҳали фрод операцияларига тезкор таъсир чораларини кўриш ҳамда уларни олдини олиш бўйича белгиланган тартибда вазирлик ва идоралар билан ҳамкорлик қилиш.