Молиявий барқарорлик департаменти

Контакт маълумотлари

Телефон: 71 212-73-93

Вазифа ва функциялар

Департаментнинг вазифалари:

• Тизимли хатарларни аниқлаш;

• Молия тизимининг тизимли хатарларга бардошлилигини баҳолаш;

• Макропруденциал сиёсат йўналишларини ҳамда воситаларни ишлаб чиқиш ва қўллаш.

Департаментнинг функциялари:

• Даврий ва таркибий тизимли хатарлар, шунингдек иқлим ўзгариши билан боғлиқ хатарларни ифодаловчи эрта огоҳлантирувчи кўрсаткичларни шакллантиради, хатарлар харитаси, молиявий шароитлар ва стресс индексларини ҳисоблайди ва таҳлил қилиб боради;

• Тизимли хатарларни аниқлаш бўйича эконометрик моделларни ишлаб чиқади;

• Макромолиявий шароитлари ва тенденцияларни, бошқа давлатлар марказий банкларининг молиявий барқарорлик шарҳларида кўзда тутилган хатарлари ва кутилмаларини кузатиб боради;

• Банк ва нобанк молия секторларини таҳлил қилади, тизимли хатарларни аниқлаш бўйича сўровномалар ўтказади;

• Уй хўжалиги секторини, шунингдек аҳоли қарз юки ҳолатини таҳлил қилади, аҳоли орасида қарз мажбуриятлари бўйича сўровномалар ўтказади;

• Корпоратив секторини таҳлил қилади;

• Кўчмас мулк бозори секторини таҳлил қилади, уй-жойларнинг фундаментал қийматини аниқлаш бўйича моделларни ишлаб чиқади;

• Капитал бозорини таҳлил қилади, халқаро молия бозорларидаги вазиятни ўрганиб боради;

• «Молиявий барқарорлик шарҳи»ни тайёрлайди ва чоп этади;

• Top-down стресс-тестни амалга ошириш учун макроиқтисодий сценарийларни ишлаб чиқади;

• Макроиқтисодий шокларнинг молия тизимига таъсирини боғловчи ёрдамчи эконометрик моделларни (satellite models) ишлаб чиқади;

• Молиявий барқарорлик кўрсаткичларини баҳолашда эконометрик моделларини ишлаб чиқади;

• Тизимли хатарларга бардошлилигини баҳолаш бўйича тўловга қобилиятлилик, ликвидлик ва иқлим стресс-тестларини ўтказади;

• Молия тизимидаги ўзаро тарқалиш хатарларини баҳолайди;

• Макропруденциал буферлар даражасини миқдорий ёндашувлар орқали белгилаш учун эконометрик моделларни ишлаб чиқади;

• Макропруденциал сиёсат йўналишларини ишлаб чиқади ва унинг бошқа макроиқтисодий сиёсат йўналишлари билан ўзаро мувофиқлигини баҳолайди;

• Макропруденциал воситалар, жумладан тизимли хатар буферини ишлаб чиқади, қўллайди ва такомиллаштириб боради;

• Макропруденциал капитал буферлар даражасини белгилаш бўйича асослар ишлаб чиқади;

• Контрциклик капитал буфери даражасини миқдорий ёндашувлар орқали аниқлаш бўйича ҳисоб-китобларни амалга оширади ва таклифларни тайёрлайди;

• Тизимли аҳамиятга эга молик банкларни аниқлаш бўйича ҳисоб-китобларни амалга оширади ва уларни белгилаш бўйича таклифларни тайёрлайди;

• Макропруденциал воситалар самарадорлигини баҳолайди;

• Молиявий барқарорлик кенгаши котибияти функцияларини бажаради;

• Макропруденциал сиёсат асосларини такомиллаштириш йўналишида тадқиқотлар олиб боради.