- Раҳбар: Нарзуллаев Камолиддин Нарзуллаевич
Алоқа маълумотлари
71-212-60-99Вазифа ва функциялар
Департаментнинг вазифалари:
- жисмоний ва юридик шахсларнинг мурожаатларини кўриб чиқиш соҳасида Ўзбекистон Республикаси қонунчилиги ҳамда Марказий банкнинг меъёрий ҳужжатлари талабларига риоя этилишини таъминлаш;
- давлат органлари, ташкилотлар ва бевосита мурожаатчилардан Марказий банкка келиб тушган мурожаатларни рўйхатга олиш, ҳисобга олиш, кўриб чиқиш ва уларнинг ижросини назорат қилиш;
- мурожаатларни кўриб чиқишни ташкил этиш, уларнинг ижроси натижаларини таҳлил қилиш ҳамда тизимли муаммоларни бартараф этиш ва такрорий мурожаатлар сонини камайтириш бўйича таклифлар ишлаб чиқиш;
- Марказий банк раҳбарияти томонидан жисмоний шахслар ва юридик шахслар вакилларини қабул қилишни ташкил этиш, шунингдек ишонч телефони, "Call-марказ" ва ахборот-коммуникация технологиялари орқали оғзаки мурожаатларни қабул қилишни таъминлаш;
Департаментнинг функциялари:
- жисмоний ва юридик шахсларнинг мурожаатларини рўйхатга олиш, ҳисобга олиш, тақсимлаш ва ижросини назорат қилиш;
- ёзма, электрон ва оғзаки мурожаатларни қабул қилиш, кўриб чиқиш ҳамда мурожаатчиларга жавоб тақдим этиш;
- мурожаатларни кўриб чиқиш муддатлари мониторингини ташкил этиш, натижаларни таҳлил қилиш ва аниқланган камчиликларни бартараф этиш бўйича таклифлар тайёрлаш;
- Марказий банк раҳбарияти учун таҳлилий маълумотлар ва ҳисоботлар тайёрлаш, шунингдек мурожаатлар билан ишлашни такомиллаштириш бўйича услубий тавсиялар ишлаб чиқиш;
- Марказий банк раҳбарияти томонидан фуқароларни қабул қилишни ва сайёр қабулларни ташкил этиш ҳамда мурожаатларни кўриб чиқиш натижалари устидан шикоят қилиш тартибини тушунтириш.
